*** MUHABBAT CHUP NAHI REHTI ***
Vo Mujh Se Poochti Hay,Raat Itni Be Zuban Kiun Hay?
Main Kehta Hoon, Zuban To Dard Ki Shiddat Ki Hoti Hay,
Vo Kehti Hay, Yeh Khamoshi b Kuch To Sochti Hogi?
Main Kehta Hoon, Vohi Jo Guftagu Ki Bheerr Mein Kho Jaye,
Vo Kehti Hay, Jaana Kuch Dinoon Se Boltay Kam Ho?
Main Kehta Hoon, Kayii Dukh Bolney Se Rok Dety Hain,
Vo Kehti Hay, Mujhay Yeh Soch Kar Batlao Main Kaisi Hoon?
Main Kehta Hoon, Jaana Sochney Mein Waqt Lagta Hay,
Main Kehta Hoon, Tumhein Darya Kinarey Kaisy Lagtey Hain?
Vo Kehti Hay, Tumhein Bichrrey Sahary Kaisy Lagtey Hain?
Main Kehta Hoon, Mujhay Tum Hansti Gatii Achi Lagti Ho,
Vo Mujh Se Poochti Hay, Dard Se Darney Lagay Ho Kya?
Vo Boli, Raat Se Kya Baat Kartey Ho Akaile Me?
Main Bola, Dard Ki, Kuch Kuch Muhabbat Ki, Judayii Ki,
Vo Boli, Chaand Kya Aata Hay Tum Se Chonchlein Karney?
Main Bola, Haan Kabhi Sapnoon k Aangan Mein Utarta Hay,
Vo Boli, Kon Aksar Yaad Aata Hay Udasi Mein?
Main Bola, Kuch Puraney Raastey, Bachpan Aur Ek Larki,
Vo Boli, Dard Ki Juziyaat Mein Parney Se Kya Behtar?
Main Bola, Dard Ko Khush Khush Sahein Aur Kooch Kar Jayein...!!!
|
