Kuch Der Thehr Jao, Nakaab Uthaane se Pehle Hosh Ganwa Dein Gay, Hum Hosh Aane se Pehle
Kahin Katl Na Ho jaayein, Tumhari Nazar Se Yeh Soch Lena Nigahein Milaane se Pehle
Teri Narazgi, Sir Aankhon Pe Hamare Par Baat Sun Lo, Kuch Sunaane se Pehle
Apni Mohabbat pe Hai Mujh ko Itna Yakeen Maan jaao Gay Tum Mere Manaane se Pehle
Tere Ashkon ko Apni Palkon se Utha Loon Masoom Aankhon ke Chalak Jaane se Pehle
Meri Aankhon ki Laali Ko Zara Ghor se Dekh Har Rat Roi hain, Khud Ko Sulaane se Pehle
Mere Dil ki Dharkan ko Zara Ghor se Sun Be Tarteeb Dharki Hai, Tere Aane se Pehle
Meri Saanson ki Takleef ko Zara Mehsoos Kar Ruk Ruk Ke Chali hai, Jaan Jaane se Pehle
Tere Saamne Jo Pari Hai, Yeh Mayyat Hai Meri Rukh se Parda Hata De, Hath Barhane se Pehle

|