|
Tum to jab bhi mujhe yaad aane lage
Apni hi mushkilon ko barhanay lage ..
Tum ko kho kar bhi panay ki aarzoo main
Hum yunhi khud ko kitna aazmanay lage ..
Dard kay taptay hue is sehra main
Nangay paoon yunhi aanay jaanay lage ..
Apnay ghum kay aansoon ko ponch kar
hum tumhay yaad kar kay muskuranay lage..
Apnay dil kay andheray kamray main
Roshni kay diye hum jalanay lage ..
Hum to khwaabon main bhi jaag kar
tum ko awaaz day kar bulaanay lage ..
Darakhton par bethay parindon ko
Hum apna hal-e-dil sunanay lage...
| 
